Bwok Lilyem Wukimedia/A̱ka̱tung sot-á̱niet

From mediawiki.org
This page is a translated version of the page Wikimedia Language engineering/Community meetings and the translation is 96% complete.
Languages:

A̱ka̱tung lilyem sot-á̱niet ni̱ ntung á̱nietnjhyuk ma̱ng á̱nietnta̱m nkyanglilyiit ba̱ jhyi nkyangmami ku ba̱ shyia̱ di̱ tyok tazwa nta̱m kyanglilyiit di̱ susot-á̱niet di̱ lilyem vwuon ndung. A̱tung kani yet a̱si̱ nang á̱niet ba̱ bai ma̱ nka bibya kwak nka a̱son, a̱wot a̱ji wa á̱ bwoi nkhang tazwa pyipyia̱ a̱lyiat a̱shyim nkhang kyanglilyiit ma̱ng fi̱fa ku byia̱ a̱meang ma̱ng a̱lyem a̱wot á̱ ka nyia̱ ta̱m dundung di̱ cat a̱ka̱bung a̱nia a̱ki̱kan ba̱ myim a̱ni. Si̱ huni si̱ maai byia̱ a̱meang ma̱ng kuzang tangka̱i kyang kyiak neet mi̱ jhyuk á̱kpa̱ra̱m nta̱mpi̱let di̱ wuki Kurudi hu ba̱ng si̱ nat su á̱di̱dam tswá mat shyit kyangmami di̱ Swánga̱lyiatwuki Tulu ji, ji̱ shyia̱ da̱ A̱vwuogo Wukimedia ka mi̱ di̱ yong huni a̱ni, ku mi̱ beang á̱niet ba̱ gwai tazwa khwuk Wukipedia Fon hu, ba̱ng si̱ tat nyian ta̱m ma̱ng MinT mat bwan nkyangmami na a̱ni.

Jat ji ja yet á̱ tyia̱ nyian nta̱m ma̱ng á̱ghyang gba̱gbak tsi̱tsak á̱nietnta̱m ba ma̱ng sot-á̱niet ji ji̱ byia̱ di̱dang mami pyipyia̱-a̱lyiat kyanglilyiit ku byia̱ a̱meang ma̱ng a̱lyem a̱ni. A̱yaakwak a̱son a̱ka̱tung kuzang zwát tsat nani nia yet Language tiim hu. If you need interpretation support from English to another language, please let us know by posting on the talk page.

Nok a̱tung hu na li a̱nii:

  • Tyei aba̱n/a̱la̱baa ma̱ng Tyai á̱pyia̱ - Byat ma̱ng nwuan ajenda wu.
  • A̱son A̱lyiat & Á̱shyim Nkhang Kyanglilyiit - Á̱niet ba ba̱ na nshyia̱ a̱tung ka a̱ni na beang di̱ nwuat á̱shyim nkhang kyanglilyiit mmam a̱zaghyi a̱tung ka.
  • Cat Kan A̱fi̱fa - Á̱nietbai a̱tung ba na nneap fi̱fa nta̱m kyanglilyiit nang ba̱ byia̱ a̱ni mmam a̱zaghyi a̱tung ka a̱wot ba̱ kwoi á̱di̱dam tswá da̱ a̱ki̱kan ba̱ bye yet doot a̱ni mbeang á̱ghyang á̱niet di̱n jen a̱tung ka.
  • Nyian kpa̱ndang mbeang and L&S - Á̱nietbai a̱tung ba maai ba̱ lyip a̱wot ba̱ bwoi nkhang ma̱ng á̱ghyang á̱niet ba̱ byia̱ tangka̱i di̱dang mba hu.
  • Nyii - Cat sak tak da̱ a̱tyem ma̱ng á̱kyokyuat nkhang da̱ a̱tung ka ka̱ na ntung a̱ni.

Tyia̱ bwak a̱ji a shyia̱ nwuo
Retrieved from "https://www.mediawiki.org/w/index.php?title=Wikimedia_Language_engineering/Community_meetings/kcg&oldid=6381813"