MediaWiki 1.20/wmf1/ast
Esti ye un resume d'un artículu espublizáu orixinalmente nel blog Wikimedia Tech. Pues suscribite a la canal RSS del blog téunicu pa que t'avisemos d'anuncios asemeyaos.
Despliegue de MediaWiki 1.20wmf1 nos sitios de Wikimedia[edit]
La cabera versión (marcada «1.20wmf1») de MediaWiki, el software que xestiona Wikipedia y los demás sitios rellacionaos, nestos momentos ta desplegandose por etapes en tolos sitios de Wikimedia.
Principiamos el 10 d'abril y continuaremos fasta'l 25 d'abril (mira la programación).
D'equí en más, el nuesu plan ye desplegar el caberu software cada dos selmanes. Esto tien l'envís d'amenorgar les pegues y posibles problemes, y facer más cenciello identificar les causes de los problemes, porque'l posible códigu problemáticu sedrá muncho más nuevu.
Qué hai de nuevo
Esti ye un conxuntu de cambios pequeñu enforma, comparáu colos despliegues anteriores.
El mayor ameyoramientu que verás ye'l nuevu estilu de diff.
Otros cambios incluyen:
- una nueva opción en Special:PrefixIndex y Special:AllPages p'anubrir redireiciones;
- un enllaz arriba de la páxina pa dir a la ventana d'edición na vista previa de los cambios;
- Un títulu de páxina etiquetáu como «Crear» en llugar de «Editar» al crear una páxina;
- un enllaz a la edición relevante nos correos d'avisu de cambios nuna páxina vixilada;
- meyor integración (nos diffs y precarga) del mensaxe predetermináu al personalizar un mensaxe de la interfaz nel espaciu de nomes de MediaWiki.
Los desendolcadores tamién ameyoraron el software «baxo la tapa del motor» de munches maneres. Ta disponible una llista de cambios más detallada, igual que la llista completa nel maestru de notes de la versión.
Si t'alcuentres con problemes
Si, magar los nuesos esfuerzos, alcuentres problemes col anovamientu; intentaremos igualos tan pronto como podamos. Por favor, informa de los problemes nel nuesu siguimientu de bugs, que ye onde miramos los informes de problemes. Y cuanto más ceo nos cuentes los problemes, primero podremos igualos.