This page is a translated version of the page User:Smalyshev (WMF)/Archive search announce and the translation is 100% complete.

Gueta ameyorada nel archivu de páxines desaniciaes

Demientres el Wikimedia Hackathon de 2016, l'equipu Discovery trabayó n'unu de los elementos de la llista de pidimientos de la comunidá de 2015, concretamente activar la gueta nel archivu de páxines desaniciaes. Esta carauterística yá ta preparada pal despliegue en producción, y s'activará en toles wikis, sacante Wikidata.

Agora mesmo, la carauterística ta detrás d'una bandera de carauterística - pa usala na to wiki, entra na páxina Especial:Restaurar y añade &fuzzy=1 a la URL, d'esta manera: https://test.wikipedia.org/w/index.php?title=Special%3AUndelete&fuzzy=1. Darréu busca les páxines que t'interesen. Tendríen d'apaecer más resultaos qu'antes, por usar los índices fechos por ElasticSearch (usando la estensión CirrusSearch).

Tenemos planeao activar esta gueta ameyorada de mou predetermináu en toles wikis pronto (alredor del 1 d'agostu de 2017). Si tienes dalguna oxeción que facer, comunícala al equipu Discovery per corréu o na páxina d'alderique d'esti anunciu. Como cola mayor parte de parámetros de configuración de Mediawiki, el funcionamientu pué configurase pa cada wiki. Cuando la gueta ameyorada sía la predeterminada, entá tendrás accesu al mou antiguu usando &fuzzy=0 na URL, d'esta manera: https://test.wikipedia.org/w/index.php?title=Special%3AUndelete&fuzzy=0

Repara que como Especial:Restaurar ye una carauterística acutada p'alministradores, esta capacidá de gueta tamién ta acutada pa los alministradores de la wiki.