Assistente de incargamento
Le Assistente de incargamento (UploadWizard) es un assistente JavaScript que permitte incargar, passo a passo, plure files multimedial a un sito web de MediaWiki. Es disponibile como un Extension:UploadWizard.
Motivation
Le Assistente de incargamento visa a facilitar le contribution de obras multimedial a projectos de Wikimedia.
Iste instrumento es communmente usate pro incargar imagines a Wikimedia Commons, le repositorio multimedial libere associate con Wikipedia; omne file multimedial condividite sur ille sito pote esser usate sur omne pagina de Wikipedia in omne lingua. Wikimedia Commons es curate per un communitate multilingue. Al fin de 2023, illo contineva quasi 100 milliones de files.
Plus detalios sur le origines de iste projecto es presente sur le pagina de archivo de Upload Wizard; instructiones pro reportar defectos e lassar commentarios se trova sur Commons:Upload Wizard feedback.
Objectivos
Ecce alcunes de nostre objectivos pro le Assistente de incargamento:
- ingagiar plus usatores a contribuer multimedia
- fornir un experientia plus fluide a totes
- adder plus contento multimedial a nostre sitos
Usatores
Nostre usatores principal pro le Assistente de incargamento include:
- contributores nove
- contributores experte
Nos appoia ambe gruppos de maniera equal, concentrante nos sur le usatores de Common assi como le contributores de Wikipedia e altere sitos. Nota que es necessari haber un conto e esser in session aperte pro usar le Assistente de incargamento.
Nos visa tamben a servir iste usatores secundari:
- redactores
- organisatores de campanias
- disveloppatores
Fluxo de labor actual
Ecce le passos principal del fluxo de labor actual pro le Assistente de incargamento:
- Initio - Cliccar sur le ligamine Incargar
- Apprender - Leger le infographico de adjuta, cliccar sur ‘Continuar’
- Incargar - Seliger files multimedial a incargar, adder plus files si necessari
- Derectos - Completar le informationes de autor, fonte e licentia
- Describer - Completar le titulo, description, data o altere informationes
- Usar - Copiar le codice pro adder imagines a articulos o condivider los con alteres
Pro vider como le Assistente de incargamento functiona in iste momento, visita iste pagina (debe esser in session aperte).
Defectos
Nos tracia le defectos in le Assistente de incargamento in le traciator de defectos.
Ante 2014, multe anomalias se habeva accumulate pro iste projecto perque le Fundation Wikimedia non habeva un equipa dedicate a resolver los. Ora que le equipa multimedial ha assumite le proprietate del Assistente de incargamento, nos laborara diligentemente pro remediar le defectos le plus importante primo, postea resolver gradualmente le resto del anomalias pertinente con le passage del tempore. Gratias pro vostre patientia e comprehension :) Si tu trova alcun anomalias technic, per favor signala los.
Compatibilitate
Pro poter usar le Assistente de incargamento, le navigator del usator debe:
- Haber JavaScript activate
- Haber un supporto melior que Grado C in MediaWiki
- Supportar ECMAScript 5
- Supportar le API de files de HTML5 File
- Supportar datos de formularios in XMLHttpRequest
Si non, le formulario standard de incargamento de files de MediaWiki apparera.
Le navigatores supportate include Firefox, Chrome, Edge, e Safari.
Cosas a facer
https://phabricator.wikimedia.org/tag/mediawiki-extensions-uploadwizard/
Altere instrumentos
Ultra le Assistente de incargamento, existe altere utensiles de incargamento disponibile pro usatores, e illos se enumera sur commons:Commons:Upload tools.