Bhântowan:Bâbâlâ alebbhu log

Jhâ' mangmang!

Pora! Bhâ' abâ'na ka enjâ polana abâ'na narèma paberta takaè' bâḍâ sè cobhâ alebbhu log ḍâ' ka akunna abâ'na? Ella jhâ' kobâtér! Akunna abâ'na ghi' aman-pojhur.

Arapa sèngko' pas narèma paberta rèya?

Abâ'na narèma paberta arèya polana bâḍâ sè cobhâ (bân burung) kaangghuy alebbhu ka akunna abâ'na. Mon sè cobhâ alebbhu log-na abâ'na bâḍâ è parangkat otabâ pajhâlâjhâ sé ghi' ta' toman abâ'na angghuyè, abâ'na bhâkal ngaollèè paberta samarèna cobhâ burung sè kaaḍâ'. Mon arowa bâḍâ è perangkat otabâ pajhâlâjhâ sè èkennal, paberta arowa bhâkal nyolbu' mon marè lèma kapèng parcobhâân.

Paberta rèya èghâbây bi' LoginNotify, fitur sè èpatao è bâjâ taon 2017.

Tolong tengngennè jhâ' fitur rèya ngangghuyè kuki ghâbây masènga' prangkat kaemma bhâi sè ella abâ'na angghuyè ghâbây lebbhu log. Ngosot kuki otabâ ngangghuy fitur "incognito/panyelosoran sèloman" è pajhâlâjhâna abâ'na, bhâkal aghâbây prangkatta abâ'na èangghâ' mènangka prangkat anyar bân temmaan, paberta è attas bisa oḍi' mènangka parsènga' "false positive".

Napa sè osana sèngko' kalako

Mon Abâ'na sè ngalakonè lebbhu log rèya, ta' osa ngala' ètènḍhâk pa-apa ra ghâbây jâtèya. Kèng, abâ'na ambhu ros-terros ngangghuyè oca' sandhi sè soghâ' bân nyalènḍhâè kaangghuy akunna abâ'na. Mon abâ'na apangrasa oca' sandhina abâ'na ta' abâk tegghu atagen parcobhâân rowa, kabhungo' obâ oca' sandhina abâ'na li-ḍhuli. Ca'na panalèktèghânna oca' sandhi akun sè la talocor, para' 17% ḍâri 10 juta akun pangangghuy internèt arèya ngangghuy "123456" mènangka oca' sandhina. Ajjhâ' adhâddhi sala sèttong ḍâri jârèya kabbhi!

Mon abâ'na ta' ngalakonè parcobhâân login rèya bân bijhâghâ jhâ' sakènga orèng laèn la acobhâ kaangghuy ngala' akunna abâ'na, bhâghusân mon abâ'na oddhi aobâ oca' sandhina abâ'na, tekka'a abâ'na la anḍi' oca' sandhi sè tegghu.

Kèya, bhungo' pasambhung sèttong lamat sorasa (surèl) bi' akunna abâ'na amè' jhâ' mon abâ'na kaèlangan labâng ka akunna abâ'na bân alebbhuâna polè pas dhâddhi ghâmpangan. Abâ'na kennèng nata lamat sorasana abâ'na ka kaca partama è kaca kaenḍâ'ân (Preferensi)-na abâ'na. Abâ'na mè' kèya terro nyongngo'a serradhân sè arèya parkara cara nyegghâ pabhâjhâkan akun, sè èssèna kapèngan parèna (tips) kappra sè osa abâ'na ènga' mon ngangghuyâ internèt.

Mara napa ra cara lakona fitur arèya?

Conto pabâlâna parcobhâân lebbhu log sè burung neng è Echo.

Conto pabâlâna parcobhâân lebbhu log sè kanalè è wiki laènna

Ekstensi rèya ros-terros alaca' pajhâlâjhâ sè èkennal bân nyabâ'aghi kuki HTTP ḍâ' è pajhâlâjhâna. Kuki rèya otomatis bâruy ḍâlem 180 arè. Mon parcobhâân lebbhu log burung kadhâddhiân ḍâri pajhâlâjhâ anyar, arèya ngasèl'aghi pabâlâ (paberta) Echo sè ngènga'è pangangghuy parkara parcobhâân lebbhu log. Cara laèn iyâ rowa Wikimèḍia aiḍentifikasi parangkat sè èkennal iyâ rèya bi' marèksa subnèt lamat IP bâjâ rèya ḍâ' lamat IP sè ella èangghuy ghi' bhuru rèya (marana èsèmpen ḍâlem tembolok paladhin sabâtara). Taḍâ' informasi sè èsèmpen ḍâlem basis data bân taḍâ' informasi dhibi'na sè èbukka' sacara bâttra, tamaso' lamat/lokasi IP sè nyerrang. Tim Okom bân Katremtremman WMF ella nyègher pangennèngan kaangghuy atoro' bi' Gher-ogher Privasi bân partèmbhângan keamanan Wikimèḍia.

Kaangghuy prangkat/IP sè èkennal, tèya ngollèaghi sampè' 5 kapèng parcobhâ'an ghâbây alebbhu log sabellun masènga' pangangghuyyâ parkara parcobhâân lebbhu log ta' èkennal, polana arèya bâk kappra kaangghuy kasus sala kettèk otabâ loppa oca' sandhi. Mon bâḍâ 5 otabâ lebbi parcobhâân burung, pabâlâ bhâkal ngoca': "Telah terjadi 5 usaha gagal masuk log ke akun Anda sejak terakhir kali Anda masuk log. Jika itu bukan Anda, pastikan akun Anda memiliki kata sandi yang kuat." bhâkal bâḍâ pabâlâ laèn è 10 parcobhâân, 15 parcobhâân, bân saterrossa.

Kaangghuy prangkat/IP sè ghi' ta' èkennal, ya-tèya masènga' kakabbhi parcobhâ sè burung. Èkstènsi masèttong pabâlâân rèya kaangghuy nyènglaè spam ka pangangghuy sè bânnya' ghellu pabâlâ. ompamana, mon bâḍâ 3 parcobhâ burung ḍâri prangkat sè ghi' ta' èkennal, maghâbây nyolbu' sèttong pabâlâ, sè ngoca'aghi: "Telah terjadi 3 usaha gagal masuk log ke akun Anda dari perangkat baru sejak terakhir kali Anda masuk log. Jika itu bukan Anda, pastikan akun Anda memiliki kata sandi yang kuat.".

Parkara sè ambhu ètètènè

Bâḍâ ḍuwâ' jhâlân/cara mongghu pangangghuy ghâbây aollèè pabâlâ arèya - kennèng ngalèbâdhi pabâlâ Echo è wèb otabâna ngalèbâdhi surèl. Sacara bâ-kèbâânna (settèlan pabbrik), pabâlâ wèb bân surèl ètata kaangghuy aktif ḍâ' kakabbhina orèng. Arèya kennèng èkonfigurasi ḍâlem preferensi notifikasi.

Lebbhu log la marè

Èkstènsi rèya amè'è abâ'na kaangghuy aollè surèl dhilâ pangangghuy kellar alebbhu ka akunna abâ'na ḍâri prangkat bân IP sè ghi' ta' èkennal. Arèya cè' abhântona ḍâ' panata otabâ fungsionaris laèn sè mangmang ajjhâ' sakènga hak dhibi'na kakabbhi pola èlèro-angghuyè. Notifikasi rèya èaktifaghi sacara kèbâân. Tengngennè jhâ' pabâlâ wèb rowa è-nonaktif-aghi kaangghuy fitur arèya. Oca'an sorasa abâlâ: "Seseorang (kemungkinan Anda) beberapa waktu ini masuk log ke akun Anda melalui gawai baru. Jika ini merupakan Anda, silakan abaikan pesan ini. Jika bukan, kami sarankan agar Anda mengubah kata sandi Anda, dan periksa aktivitas akun Anda.". Abâ'na kennèng a-nonaktif-aghi rèya è preferensina abâ'na.

Anḍi' oca' sandhi sè tegghu

Bâḍâ bânnya' parèna sè rantang sacara online parkarana aghâbây oca' sandhi sè tegghu. Marèna rèya pan-bârâmpan parèna lombrâ parkarana oca' sandhi:

• "Mara pèlè oca' sandhi sè tegghu – bellung karakter otabâ lebbi, bân aèssè horop, bân tora bâca." (sumber: Kaamanan/Pamolèan oca' sandhi è Mèta.) Bulângè aḍerḍerân parkarana oca' sandhi bân kaamanan.
• "Ghâbây pandhuman praktis, oca' sandhi ambhu sè pènḍhâ lanjhâng, èbhârengè polongan horof rajâ, horof kenè', bân angka, bân kèya ta' nya'-bânnya' èghâbây ḍâri oca' ḍâlem kamus, otabâ nyama otabâna informasi abâ'na ḍhibi' (ènga'na: tangghâl rèmbi', nyama kocèng, bân-èn-laènna.) Bhâreng cara rèya la penḍhâ kellar kaangghuy saarè-arè. Oca' sandhi sè kaghâbâyya pèra' horof kènè' kèya kennèng pènḍhâ tegghu, kor ambhu kacè' lanjhângnga ghelluwân." (Sombher: Kaamanan akun pangangghuy è Wikipèḍia bhâsa Madhurâ)

Pangennalan ḍuwâ'-onḍhâg

w:Autèntikasi ḍuwâ'-onḍhâg kennèng aghâbây akunna Abâ'na lebbi pojhur. Artèna: Abâ'na kennèng ngaktifaghi autèntikasi ḍuwâ' faktor ngangghuyè sorok fisik otabâna aplikasi autèntikator. See two-factor authentication on Meta-Wiki for further details.